حياة شخص في القرن 21
حياة شخص في القرن 21 مين أنا : أنا عن نفسي بعرف نفسي على أني شخص عادي جدا مش مميز يعني مافيش حاجة مميزة في وأنا متقبل ده لكن أنا عادي بس طموح إني انجز واتعلم ومستسلمش . توضيح بسيط : بس كان لازم اعرفك في المقدمة الفرق ما بين الشخص العادي واللي مش عايز ينجز وطبعا أنا مش بقول الكلام إلا عشان أنا واللي زي يستيقظوا من اللي هما فيه يمكن دلوقتي عايز تقفل المقال يعني في نفسك بتقول أنت جاي تنصحني أنت مين أساسا قد يكون جه اللي في دماغك بس بالعكس ما أنا بيجيلي أوقات مش عاوز انجز ولا اتحرك من مكاني لكن والله اعلم لازم متاخدش في نفسك مقلب وتقول ان ده عذر عشان متتحركش وأنا صراحة منكرش إني أحيانا بستلسم بس بحاول ارجع . حكايتي وحكايتنا كلنا : أنا واحد اعتبر شخص زي 99% من الناس في القرن الواحد و العشرين واحد مدمن سوشيال ميديا وبعض الحاجات اللي كلنا عارفينها لكن أنا مش كاتبها عشان مكسل افكر فيها كلها المهم احكيلك عن حياتي بقا وقِسها على حياتك ، أنا واحد بنام متأخر زي أي حد وبكسل اروح المدرسة او الشغل زي أي حد (بس بروح مجبر في ال...